Soffía Auður Birgisdóttir∙15. nóvember 2022
EDEN EFTIR AUÐI ÖVU KOMIN ÚT
Auður Ava Ólafsdóttir sendi nýverið frá sér sína áttundu skáldsögu, Eden. Í kynningu útgefenda segir:
Málvísindakona, sérfræðingur í fámennistungumálum, ákveður að breyta landi þar sem ekkert grær í Edenslund. Hjá íbúum í nálægu þorpi kviknar óvæntur áhugi á málvísindum. Á fjörur söguhetju rekur handrit að ljóðabók fyrrverandi nemanda hennar sem fjallar um ást ungs karlmanns á eldri konu. Eden fjallar um mátt orðsins og ábyrgðina sem við berum.
Auður Ava er margverðlaunuð, heima og erlendis og mikil tilhlökkun að fá frá henni nýja bók.
Hér á Skáld.is má lesa ritdóma um bækur Auðar og ýmsar fréttir sem henni tengjast, sjá tengt efni hér fyrir neðan.
