MIKILVÆGUR GAGNAGRUNNUR
Vefurinn skáld.is stækkar með ári hverju. Á vefnum er að finna efni sem ritað er af ástríðu og fagmennsku; greinar, viðtöl og ritdóma. Hægt en örugglega byggist upp mikilvægur gagnagrunnur um íslenskar skáldkonur og verk þeirra. Stutt samantekt á t.d. því sem hefur verið skrifað eða safnað saman og birt á vefnum hingað til um hina merku skáldkonu, Álfrúnu Gunnlaugsdóttur, dregur ýmislegt fróðlegt fram í dagsljósið.
Fyrst er að nefna yfirgripsmikla grein eftir Soffíu Auði Birgisdóttur, Mannkynssagan í formi samtímaskáldsagna, um Yfir Ebrófljótið og önnur skáldverk Álfrúnar sem birtist fyrst í Tímariti Máls og menningar, 3. hefti 2002. Og ritdóm hennar um Hringsól, Hvað var af stelpunni Ellu?.
Einnig fjóra ritdóma, sjá TENGT EFNI hér fyrir neðan.
