SKÁLD.IS

LJÓÐALESTUR Á NÝJÁRSDAG Í MENGI

Gott er að hefja nýtt ár á því að hlýða á lestur ljóða, meðtaka orðin og njóta núvitundar. Undanfarin ár hafa ljóðskáld staðið fyrir ljóðaupplestri á nýjársdag og kallað ÁRLJÓÐ. Viðburðurinn hefur áður verið haldinn í Gröndalshúsi en er að þessu sinni í Mengi á Óðinsgötu 2 og er þetta sjöunda sinn sem ljóðskáldin hefja upp raust sína í upphafi nýs árs. Dagskránni er einnig streymt á menningarvef RUV svo þeir sem ekki komast í miðbæ Reykjavíkur geta notið í gegnum veraldarvefinn. Lesið er frá birtingu til sólarlags og öll eru velkomin.