SKÁLD.IS

LISTI YFIR KVENNABÓKMENNTIR OG KVÁRA ÁRIÐ 2023

Konur og kvár voru öflug þetta árið líkt og fyrri ár og sendu frá sér hverja bókmenntaperluna á fætur annarri. Ljóst má vera að öll geti fundið einhverja lesningu við sitt hæfi til að njóta í jólafríinu; ljóð, sögulegar skáldsögur, ævintýri fyrir bæði börn og fullorðna, fræðirit af ýmsum toga og margt fleira.

Hér fyrir neðan er listi yfir allar þær bækur sem konur og kvár sendu frá sér á árinu, sem við höfum vitneskju um. Hér eru þær flokkaðar í þrjá flokka: Fagurbókmenntir, barna- og ungmennabækur og ýmis fræðileg rit og almenns eðlis. Ef það vantar bók á listann, eða eitthvað er rangt með farið, þá má gjarna senda upplýsingar þar um á netfangið skald@skald.is. Ennfremur eru þær skáldkonur sem hafa ekki enn ratað í Skáldatalið okkar hvattar til þess að senda okkur upplýsingar svo að hægt sé að bæta úr því.